.. سنة رابعة طب ، وانتصف الطريق

سنة ثانية طب ، كل الحكاية

 اسمي مها العساف، سنة ثالثة طب،بكتب هذي المدونة لطلبة سنة ثانية لأني أدري نظامنا جديد من نوعه ويحتاج شرح شوي فان شاء الله يستفيد قارئها

.برتب الكلام على هيئة أسئلة عشان تقدرون تسوون سكيب للأشياء اللي ما تحتاجونها

كل شي كتبته يمثل وجهة نظري الشخصية فقط، لا تعتبر هذه الصفحة مرجع رسمي.
.الهدف منها اني اعطيكم صورة عامة عن السنة

 من وين أشتري سكربز؟  -

😂😂 أتوقع هذا اول سؤال واحمس سؤال عند طلبة الطب ودامهم توهم بالطفة  

Dr.House*
I wish شارع بشار بن برد بالعليا جنب مطعم   

(greys anatomyيبيع القطع اللي موجودة بامازون وعنده ماركة )

 محل أوكسجين حول مستشفى التعليمي* 

( *قطعه اكثر عملية وحق ناس تكرف الملابس *عشان كذا جنب المستشفى)

 محلات قدام مستشفى المركزي بالدمام* 

(ماني من اهل الدمام فما عندي فكرة ايش فيه محلات بالضبط)

 ايش اشتري كتب ؟ - 

تلقون الكتب في مكتبة جرير ، المريخ ، امازون ، ممكن تشترون من الدفع اللي اكبر منكم

اول شيء فيه كتب اساسية اعتقد ان كل طالب لازم تكون عنده 

Clinical anatomy by systems (Snell) 

.بالترم الثاني خصيصًا هذا الكتاب مهم جدًا ومرجعك بالدراسة والسلايدز تقريبًا فاضية ففيك فيك تشريه 

by regionsأو by systems   فيه كلام كثير من الطلبة عن ايش افضل نشتري كتاب  

by systems    بس الستدي قايد  by regionsدراستنا ندرس  

  by regionsفأحلى حل لو تقترحون للقسم أنه يغير الستدي قايد يصير 

لان الدراسة متعبة بكتاب السستمز وشوفوا ايش نظرة القسم

 Mims Medical Microbiology

فقط لانه ارتب من السلايدز وبعض الاحيان الدكاترة يكونون حاطين مصطلحات بالسلايدز ويطلبون من الطلاب انهم يفتحون الكتاب عشان يذاكرون التعريف وهكذا

وهم من الاقسام اللي يطالبونك بالمحاضرة انك تفتح الكتاب وتقرا منه

Human Physiology: From Cells to Systems (ٍSherwood) 

الكتاب رهيييب جدًا من افضل الكتب الطبية على الاطلاق! طريقة شرحه خرافية وامثلته رائعة ١٠٠٪‏ راح تستفيدون منه

بالنسبة لسعره بما انه غالي (كان اتذكر حول الف ريال) ، ممكن تفتحون امازون وتدورون لكم كتاب مستعمل واقروا درجة الاستعمال ( انا شخصيًا اخترت نوع نظيف جدًا بس كتابة بالرصاص وجاني نفس مواصفات الموقع) ويجيكم اقل من ربع السعر

 وفيه مجموعة كبيرة من البنات اتفقوا مع مكتبة المريخ تجيبه لهم

هذي اللست هي اللي عطونا اياها ببداية السنة

النقط الوردية هي اللي اشوفها مفيدة للي حاب يشتري،

  pdf وتذكروا ترى اغلب الكتب موجودة

واذا انت اصلا دراستك بالايباد او لاب توب مرة حلوة كتب البي دي اف وتناسبك لانك ما تحتاج تشيلها وتقدر بسهولة تصور الصفحة اللي تبغاها وتحطها جنب السلايد وتصير واضحة وهكذا 

 ايش اشتري جهاز ؟

 اذا دخلتوا كلية الطب بتلقون الناس نفسهم اللي كانوا معكم بالتحضيري فجاة قلبوا اجهزة .. طبيعي جدًا وهو لانه المحاضرات كثيرة وصعبة كلها تنطبع

. اذا انت شخص ورقي عادي جدًا تكمل على نظامك ولا يغرك التغير المفاجىء بتلقى حزبك بس مافيه عيب لو تجرب الاجهزة

حزب الورق

 مميزات الورق : سهولة كتابة النوتز ، الوضوح -احيانًا- ، ما تعتمد على بطارية 

 عيوب: لازم تطبعها قبل بيوم ،ممكن الدكتور يغير السلايدز وما تكون معك (دايم تصير، هنا ممكن تفتحها بالجوال وتكتب نوتز بدفتر) ، ثقيلة خصوصًا اذا كان فيه ست محاضرات باليوم الخ 

  Macbook Air حزب   

 مميزات  : نظامه حلو وسلس ، خفيف ، بطارية طويلة 

  عيوب :  ما يدعم شاشة لمس (غالبًا تبي تكتب بسرعة بعض الاشياء او تاشر عالصورة بشكل سريع مع الدكتور فتحتاج شاشة لمس بهذي المواقف خصيصًا)  

  Macbook pro حزب 

 ما انصح فيه لانه ثقيل جدًا وانت بتشيله بشكل يومي 

  Surface Pro حزب 

 مميزات : خفيف جدًا ، يدعم خاصية ايباد / لابتوب بجهاز واحد ، معاه قلم فعال جدا كأن اللاب توب ورقة معاه ، شاشة لمس ،نظام ووندوز للي يحبه ، شاشته حلوة الالوان فيها رايقة بالفيديوات.

 عيوبه : فيه عيب يضايق جدًا (شخصيًا استعمل هذا الجهاز وكنت استعمل ماك بوك) اللي هو البطارية .. ( كل يوم لازم اجيب الشاحن معاي الدوام اشحنه بالبريك اذا عندي محاضرات بعد البريك + اقعد بالصباح بدون واي فاي عشان ما يخلص الشحن+ عجزت القى بطارية متنقلة تنباع بالسعودية حقه) لكن بشكل عام احس مميزاته تغطي على عيوبه 

حزب الايباد 

 خفيف، بطارية طويلة ، touch ،مميزات : معاه قلم ، معاه كيبورد للي حاب. 

pbl عيوبه : ما يدعم خصائص اللاب توب (شخصيًا اعتقد انك لازم يكون معاك لاب توب في البيت مع الايباد لكتاب البحوث و  

(بس فيه طلاب ماشين بس عالايباد في كل شي وحياتهم ماشية فشي راجع لاختيارك الشخصي) 

وفيه طبعًا ناس معها لابتوبات من شركات مختلفة بس اللي ذكرته هو الدارج

نصيحتي الشخصية عشان تعرفون تختارون ايش تشترون انكم تجربون اول كم يوم بعد الاسابيع التمهيدية،  جيبوا يوم معاكم لاب توب يوم ايباد حق احد بالبيت يوم ورق وشوفوا ايش يناسبكم ويناسب شخصياتكم.

 داومت أول اسبوع ولا فهمت شي ؟

وضعك طبيعي تمامًا ولا تخافون .. حتى لو لقيتوا كذا شخص يتجاوب مع الدكتور فهو ٩٠٪‏ محضر او انه شاطر ماشاءالله عليه بالموضوع اللي قاعد ينشرح

ايش تسوون؟ 

اول شي الموضوع يبيله وقت علبال ما تتعودون عالنظام الجديد المختلف تمامًا ، على اكسنتات الدكاترة المختلفين كل شوي واحد جديد، على الماتريال الجديدة تمامًا وطبعًا الدكاترة اللي يتوقعون اننا نعرف بذاك المستوى اشياء مرة كثير وحنا تونا داخلين طب. 

الحل؟ 

ذاكر المحاضرة بعد الشرح وعالنقاط المهمة اللي تطرق لها الدكتور (مب تذاكر شي ما تكلم عنه ومب موجود بالسلايد بس لانه مع بعض بالمصدر اللي تقرا منه)🙂 ، شوفوا فيدوات واكتبوا نوتز منها اللي فهمتوه وحطوه جنب النقطة بالسلايد وانتقلوا للي بعده

اذا انت عندك وقت ممكن تقرا المحاضرة عالسريع قبل المحاضرة وتترجم الكلمات الطبية اللي ما تعرفها (هالحركة تساعد كثير بس غالبًا ما عندنا وقت) اذا مرة متحمس ممكن تشوف فيديو خمس دقايق يشرح لك وش السالفة قبل المحاضرة وبس. 

PBL??? 

Problem Based Learning 

التعلم عن طريق حل المشكلات 

عبارة عن حالة تدرس كل اسبوع وتتقسم على كذا سؤال او هدف من الحالة بحيث كل طالب يشرح الموضوع حقه الاسبوع  القادم 

ايش استعمل مواقع؟ 

 إلا ما يستثنىcom مبدأيًا حط ببالك ما تستعمل اي موقع نهايته

  غالبًا تنفع بس لازم تقيمها بمخك مثلًا موقع جامعة يصلح وهكذا.. org  بالنسبة للمواقع اللي نهايتها 

:المواقع المفيدة 

Webmed 

Mayoclinic 

هذولي الموقعين مرة حلوين وموثوقين يعطونك الفكرة بطريقة مبسطة وواضحة،لكن بعض الدكاترة يعتبرها مصدر ثانوي فراجعوا دكاترتكم..بغض النظر انت تقدر تاخذ من هذا الموقع الفكرة المجملة وتروح تبحث بمواقع ادق.

Pubmed 

موقع ممتاز لكن مستواه عالي وغالبًا تكون البحوث فيه تخص سؤال بحثي دقيق .. لكن تقدرون تلقون الاشياء اللي تحتاجونها من  backgroundو  Abstract 

methodology طبعا لما تقرون بذا الموقع لا تفكرون تقرون ال 

مضيعة وقت وما راح تفهمونها بهالمستوى اصلًا

Summon (IAU)

تابع لجامعتنا يعرض كتب ومجلات مفيدة واوراق بحثية اون لاين. 

Google scholar 👨‍🏫 

مفيد جدًا اذا تقفلت الطرق. 

 وطبعًا طبعًا طبعًا لا تفكرون تبحثون بقوقل الطبيعي ولا ويكيبديا لان كله مصادر غير موثوقة

 قاعد ياخذ مني وقت كثير ايش اسوي ؟ 

اول اسبوع طبيعي جدًا ياخذ منك وقت لسا قاعد تحاول تتعلم عليه .. مع الوقت بتلاحظ انه على حسب الاوبجكيتيف اللي يجيك هو اللي يصير ياخذ منك وقت ولا لا فيه اشياء بسيطة مثل الاناتومي مصادره جاهزة اربع كتب اناتومي وخلصنا وفيه اشياء لا يبيلها بحث وتدوير. 

 منيب عارف اعبر / اكتب ؟

طبعًا ما يحتاج نقول انه النسخ يعتبر غش وليس من الاخلاق الطبية الي المفروض الواحد يتعود عليها ويتعلمها من الان. طريقة حلوة للكتابة.. حاول تقرا المعلومة من موقع واذا اعجبتك صكر الموقع واكتب كل شي من فهمك وحطه مصدر وخلصنا.بعدين عاد دور مواقع ثانية اذا كانت تتفق مع نفس كلام الموقع الاول ما يحتاج الا انك تحطه هو بعد مصدر بدون ما تضيف اي كلمة .. وصار عندك مصدرين وهلم جرا. 

ايش سالفة الهيلث وكم عليه كريدت؟ 

انتباه

انتباه 

انتباه 

الهيلث بنفس مستوى البايو كمستري لا تحقرونه . باختصار نظام موناش يعتبر كل محاضرة ناخذها بالحياة لها درجة وحدة بالامتحان ..

لنفترض انكم على الميد الاول اخذتوا 

٢٠ محاضرة بايوكمستري 

٢٠ هيلث 

١٠ اناتومي 

يعني ٤٠٪‏ من اجابتك بالامتحان بتكون درجتها للبايو و٤٠٪‏ للهيلث و٢٠٪‏ اناتومي ..

لا تنخدعون وتمشون بالمنطق ان هذي المادة اهم من هذي ووو ..احنا جايين من ثانوي وتحضيري ومتعودين على سالفة المواد المهمة تنضرب بأضعاف المواد التافهة .. غير تفكيرك من الان كل محاضرة هيلث = محاضرة بايوكمستري !

الهيلث مهم جدًا ولا يخسفكم. 

ايش هي مادة الكلنكال سكلز ؟ 

ترجمة المادة الحرفية هي المهارات السريرية ، بمعنى ان هذي المادة تدرسنا المهارات اللي بنستعملها لما نقابل المرضى

مادة جدًا جميلة وجديدة وتعتبر ميزة بالنظام الجديد اننا ناخذها بهذا الوقت المبكر

بما انها تتوريال فالمتوقع منك عزيزي الطالب انك تكون قاري الماتريال المتوفر على البلاك بورد قبل ما تجي. 

.. طبعًا ليس كل متوقع واقع .. حاولوا اذا مرة ما عندكم وقت تقرونها بالعشر دقايق على بال ما يجي الدكتور 

هذي المادة عليها اختبار عملي نهاية السنة اسمه اوسكي. 

لكن المادة النظرية فيها ايضًا تختبر في الميد ترمز والفاينل

OSCE ايش هو الاوسكي

objective structured clinical examination 

باختصار ، الاختبار التطبيقي لمادة الكلنكال سكلز

بيكون بنهاية السنة ويمثل 20% من نسبتك بسنة ثانية ككل

وقت الاختبار كان نهاية السنة بعد الفاينلز بكم يوم

اللي هو عيادة الجامعة داخل الكامبس Primary Health Care Center موقع الاختبار بالنسبة للطالبات كان

الاختبار تطبيق حرفي للتتوريالز حقت كل اسبوع وما تطلع منها

لتحقيق الاستفادة حاول كل تتوريال تطبق مع الدكتور وتغلط عشان تتعلم

رجاء رجاء رجاء افهموا هالنقطة كويس، مرجعكم الاول والاخير بهالمادة قسم الكلنكال سكلز اللي هو د. العلق ود.زينب ود.نادية

بقسم الطالبات، يعني حتى الدكتورة حقت القروب حقك دايم بتقول راجعوهم هم

*طبعًا تأكدوا انهم ما تغيروا*

الموضوع مطول فيه وكتبت عنه مدونة لحاله.

كيف أذاكر؟
نظامنا مختلف جدًا عن الثانوي والتحضيري. وأعتقد ان خلال الكم اسبوع الأولى قالولكم كثير ان الطب
. و انه يستلزم مذاكرة أول بأولlife long learning

كل شخص بالدفعة اعتقد له وجهة نظره بموضوع كيف تذاكر.. نصيحتي انك تدور شخص يشبهك ويشبه شخصيتك واهدافك وتسأله مو تسأل أي أحد.

  أنا بحط الطريقة المثالية من وجهة نظري اللي هي من الدكتور عمراليماني. الطريقة تناسب نظامنا.
بس مو شرط تناسبك أو تتعود عليها علطول. أنا شخصيًا ما طبقتها بسنة ثانية بس تقدرون تطبقونها للمواد الصعبة أو اللي يبيلها حفظ.

ايش هو نظام الدرجات؟

هذا كل شي بتتحاسب عليه طوال السنة.

راجعوا سجلات الطلاب عشان تعرفون كل شي كم عليه درجة.

ايش هو السيمنار؟

باختصار برزنتيشن قدام دفعتك.

بيعطونكم ورقة وبيقولون لكم سووا عرض باوربوينت منها واعرضوا خلال خمس دقايق.

اتبعوا ورقة القايد لاينز وهو سهل مرة.بيكون ثلاث ايام ما فيها محاضرات بس تسمعون بعض.

Dos: 

تدربوا *

حطوا سؤال واتفقوا مع احد يجاوبه واتفقوا معهم يتفاعلون بعد *

Donts:

لا يصير في عرضكم أخطاء املائية*

 خلوا شكلكم بروفشنال يعني تخيلوا انكم صدق تلقون بمؤتمر*

لا تشدون حيلكم وتبحثون زيادة عن الورقة اللي عطوكم اياها لسببين أولًا ما راح تاخذ ولا شي زيادة بس تضيع وقتك وثانيًا أصلا *

 يبيلكم تحذفون من الورقة اللي عطوكم اياها لأن ما معكم الا خمس دقايق ومحد يبيك تتكلم بسرعة بالعكس ممكن يكون شي سلبي 

Case Commentary?

لما تروحون رحلة للمستشفى وتاخذون تاريخ مرضي ، بيطلبون منكم تكتبون عن المريض بملف وورد.

الموضوع بسيط اهم شي استرسلوا بالتعبير، واتبعوا كل شي بالقايد لاينز، بتكون شي شبيه باللي منزلته هنا بس طبعًا لحد يعتمد على هذي خوذوا نسخة سنتكم عشان لو صار فيها اي تحديثات.

.فيه نقاط ممكن انك ما امداك تسال عنها مثل الأمور الحياتية ، اطلق العنان فيها لخيالك

اشياء مهمة نبهونا عليها اكثر من مرة

 Legal and ethical ما تجمعونهم بموضوع واحد كل واحد تتكلم عنه لحال#

 خلوا بارقرافاتكم كلامها متناسب ، مو تسترسلون 3 صفحات بموضوع وموضوع ثاني بارقراف واحد#

تكلموا عن كل نقطة قالوا لكم تكلموا عنها #

Biological, ethical, legal and sociological #

هذولي الأربع مواضيع ضروري تستعملون فيها مصدر خارجي وتحطونه مع المصادر اللي تحت، حتى لو تعرفون القانون السعودي دورولكم مصدر واعتمدوا عليه.

   لـ The essence of health  الباقي كله من تعبيركم ما تحتاجون مصادر بس ممكن تستعملون كتاب #

 لانه سهل مرة ويحسس اللي يقيمك انك باحث self care and life style

؟ Popular information ايش هو اسايمنت

الوقت: الترم الثاني

 population health يعتمد على مادة 

فمن البداية يوم تاخذون المادة وتتعلمون عن انواع الدراسات ركزوا فيها وناقشوا لانكم بتختبرون فيها وعليها اسايمنت

هو اعتقد العمل الوحيد الجماعي من كل اعمال السنة،فعشان كذا ابدوا مبكر،من وجهة نظري لا توزعون المواضيع بينكم بالقرعة خلوا كل احد يكتب بالموضوع اللي يحس نفسه فيه شاطر لان ممكن تتورطون اذا واحد بالقروب اجتهد بموضوع هو مو فاهمه كويس ويأخركم.ساعدوا بعض وتعاونوا عليه واسالوا اكثر من شخص ثقة زي الدكاترة مب طلاب اذا ما فهمتوا سؤال

لا تعطونه اكبر من حجمه ترا ما فيه حسابات ولا شي، زي ما النتايج مكتوبة لكم بالبحث تكتبونها بالاسايمنت.أهم شي تتفلسفون شوي بتحليل النتايج.  

  

نصائح عامة

!نصيحتي الأولى والأخيرة ، عش تجربتك أنت

لا تعتبر النظام عدوك، بما انك اخترت كلية الطب بجامعتنا بنفسك، حاول انك تعمل لأن تنجح فيه بدل ما يرهقك التفكير لو انك نظام ثاني ايش كان بيصير

خوذوا نصايحكم من ناس تثقون فيهم ويشبهون شخصياتكم، لا تاخذ نصيحة من شخص بس عشانه اكبر منك لكنه مختلف تمامًا عنك. النصيحة غير مفيدة.

أي شي تسمعه تأكد من المصدر بنفسك. ياما صارت لي اشياء أحسبها منحذفة لاني سمعت من بنات كبري ان البنات اللي اكبر مننا كانت محذوفة منهم 

واللي صار بالاخير انها مو محذوفة ، بس ما جتهم بالاختبار. اسال الدكتور نفسه ايش الاشياء اللي معاك وبس ما تحتاج تراجع اي شخص اخر.

إذا حسيت ان الدنيا تقفلت بوجهك ترا بالاول والاخير اهم شي تكون مهتم. ولا يكلف الله نفسًا إلا وسعها، ولا يضيق صدرك ترا محد بيخليك تمسك مريض إلا 

وأنت جاهز 100% سووا اللي عليكم وتوكلوا على الله.

اذا حسيت نفسك ضايع بوسط السنة ترا وضعك طبيييعي ، لا يغرك اشكال الناس اللي حولك ترا كلهم ضايعين وتعبانين مثلك
دوروا لكم اشخاص اذا جلست معهم تدعمون بعض وتساعدون بعض والله وكيلكم
خذوا مشاكلكم بحجمها ولا تكبرونها.

والحمدلله ، أسأل الله لكم التوفيق ، بعض الأشياء اللي كتبتها ممكن تمرون فيها وممكن لا، هي أشياء يا انها صارت لي أو شفتها تصير لأشخاص أحبهم وما أبغى أحد يقع بنفس الأخطاء.

 .حاولت أكون دقيقة قد ما أقدر، إن أصبت فمن الله وإن أخطأت فمن نفسي والشيطان.
طبعًا شوفوا ايش التحديثات تبع سنتكم.

استمتعوا وعيشوا اللحظة 

Twitter:
mahaalassaf11